أسترجاع كلمة المرور طلب كود تفعيل العضوية تفعيل العضوية

  • مـــــــــاتـت بـــــــــــــــراعم

    مساء يليق بكم ومساء القمر المنير يضفي على وجدانكم اجمل ضياء بعد الغياب اعود بهذه القصيده علها

    تكون زخات مطر او زهرات في مزهريه تنتظر الاطلاله منكم عليها 000



    لي هاجس ٍ ينبت به العشب وازهار = وبعض الهواجيس شوكها من يشيله


    الغيم لاصب المطر تشرب انهار = تلقاء الفرح جمع صغار القبيله

    الموقد اللي داخله نفحة النار = لابد تلسع لو تجيها بحيله

    يا صاحبي كل ٍ وله هم وسرار = وصندوق حزني ما انقفل كل ليله

    يمكن تمنيت لكن الصدق ما صار = تبقا أمنيه مثل الظلال الظليله

    لا هب شوقك بين الاظلاع ما طار = يحوس في صدرك وصعبه تحيله

    مثل الغسق مظلم ولا عندك انوار = تجلس مكانك لين صبحك يجيله

    تحلم ولا جاك الفلق صار منهار = وما كل من حبا يلاقي خليله

    ماتت براعم قبل تصبح لنا اشجار = وغاب القمر وسهيل حاجب دليله

    بيت ٍ تعمر وارض تبغي لها اعمار = وقلبي مسافاته صحاري طويله

    الحب الاول صدق فالقلب تذكار = مهما تحب ما ظن تلاقي بديله


    غـــــــريب الــــــــــدار لكم ارق تحيه
    هذه المقالة نشرت أصلا في موضوع المنتدى : مـــــــــاتـت بـــــــــــــــراعم كتبت بواسطة غـريب الـدار مشاهدة المشاركة الأصلية